Itzaire Haur Eskolan 2023-2024 ikasturterako aurrematrikulazio kanpaina abiatu da dagoeneko. Bertaratzeko epea datorren martxoaren 6etik 17ra bitarte luzatuko da, biak barne. Ate irekietara joateko aukera ere egonen da gainera, horretarako hitzordua aldez aurretik eskatuta.
Aurrematrikulazioa
Honezkero famila askok gutun bidez jakingo zuten moduan, martxoaren 6etik 17ra Itzaire Haur Eskolan aurrematrikulak egingo dira.
Aurten 2021, 2022 eta 2023an (maiatzera bitarte) jaiotako haurrek izango dute eskola honetara etortzeko aukera.
Izapide hau burutzeko, familiek hitzordua hartu beharko dute 948 510 961 zenbakira deituta edota haur-eskola@leitza.eus helbidera idatzita, eskolara bertaratu aurretik.
Ate irekiak
Sor litezkeen zeinahi galdera, zalantza edo bestelakoak helarazteko, bertara lasai deitu edo idaztera gonbidatzen gaitu hezitzaile taldeak, baina aurten ere, eskola barrutik zuzenean ezagutzeko aukera luzatu dute: martxoaren 2an, 16:15ean joan litezke familiak, telefono zein emailez aurrez abisu emanda.
Agiriak
Jarraian, informazio zehatzagoa eta haur eskolara eraman beharreko agiriak dituzue eskuragarri, euskaraz lehenik; gaztelaniaz gero.
