Itzaire Haur Eskolan 2021/22 ikasturterako aurrematrikulazio kanpaina abiatu da dagoeneko. Bertaratzeko epea datorren Martxoaren 1etik 15era bitarte luzatuko da, biak barne. Ate irekietara joateko aukera ere egonen da gainera, horretarako hitzordua aldez aurretik eskatuta.
Aurrematrikulazioa
Honezkero famila askok gutun bidez jakingo zuten moduan, martxoaren 1etik 15era Itzaire Haur Eskolan aurrematrikulak egingo dira.
Aurten 2019,2020 eta 2021ean (maiatzera bitarte) jaiotako haurrek izango dute eskola honetara etortzeko aukera.
Izapide hau burutzeko, familiek hitzordua hartu beharko dute 948 510 961 zenbakira deituta edota Haur-eskola@leitza.eus helbidera idatzita, eskolara bertaratu aurretik.
Dena den, astelehenetik ostiralera 9:00tatik 10:30tara eta, astearte eta ostegunetan 16:00etatik 17:00etara ere egonen da horretarako tartea.
Ate irekiak
Sor litezkeen zeinahi galdera, zalantza edo bestelakoak helarazteko, bertara lasai deitu edo idaztera gonbidatzen gaitu hezitzaile taldeak, baina aurtengo berrikuntza gisa, eskola barrutik zuzenean ezagutzeko aukera ere luzatu dute: martxoaren 4ean, arratsaldeko 16:30etatik 17:30etara joan litezke familiak, martxoaren 3a baino lehen telefono zein emailez abisu emanez gero.
Agiriak
Jarraian, informazio zehatzagoa eta haur eskolara eraman beharreko agiriak dituzue eskuragarri, euskaraz zein gaztelaniaz.