Helduen kasuan, arratsaldeko 19:00etako saioetako 9 filme ikusteko aukera emango da 40,50 € ordainduta. Ume eta adin guztietako publikoen 16:30etako saioetarako aldiz, 31´50 €ko kostuaz ikusi ahal izanen dira denboraldi osoan zehar aukeratu ahal izanen diren 9 filme.
ZINE BONUEN NONDIK NORAKOAK
www.leitza.eus webgunera joan eta Leitzako Herri Aretoaren atalean sartuta, zine bonuari dagokion informazioa eta jarraibideak egonen dira eskuragarri, irailaren 29tik aurrera. Bertan, bonuak erosi eta aste bakoitzean, dago(z)kion ordutegiko filma/k eta sarrera/k aukeratu ahal izanen dira.
Internetez moldatzen ez direnentzat, kultur teknikaria asteazkenetan Aretoko lehiatilan egonen da 12:00etatik 14:00etara, bai bonua erosten laguntzeko eta baita aste bakoitzean proiektatuko diren filmeen sarrera zehatzak abonatuei paperean emateko ere.
Hala ere, sarean erraz egin ahal izanen den prozesua izanen da. Behin bonua erosita, zine sarrera zehatzen erosketa egiterakoan “zine bonua” tarifa aukeratu beharko da eta, erosketaren amaieran abonatuaren zenbakia txertatze hutsarekin, une horretan ordainketarik egin beharrik gabe, sarrerak posta elektroniko bidez eskuratuko dira, QR kode bat izanen duen pdf artxibo gisara. Hauek inprimatzeko inolako beharrik gabe, pdf hori mugikorrean bertan aretoko sarreran erakutsita, zine emanaldira sartu ahal izanen da.
BALDINTZA ZEHATZAK
- Zine bonua 2022ko irailaren 29tik 2022eko abenduaren 22ra bitarte egongo da salgai.
- Bonuaren ordainketa egin ondoren, berrespen-emailarekin batera PDF artxibo bat jasoko da bonuari buruzko informazioarekin: iraungitze-data, sarrera-zenbakia eta balearen kodearekin, sarrerekin trukatzeko.
- Zine bonua izenduna da, baina beste pertsona batzuekin partekatu daiteke.
- Erabiltzaile bakoitzak nahi adina bonu eros ditzake.
- Bonua kontsumitzeko epea 2022ko iraletik 2023ko maiatzaren 21era artekoa da (biak barne), hau da, zine denboraldi osorako balioko du.
- Norberak aukeratuko du denboraldi osotik (17 filme izan ohi dira guztira) zein pelikula ikusi, dagokion astean sarrera zehatzak «zine bonua» tarifaz, bestelako kosturik gabe eskuratuz.
- Erabiltzaile bakoitzak bere bonuarekin gehienez 9 filmeren sarrerak eskuratu ahal izango ditu, hau baita bonuaren gehienezko kupoa.
- Bonua online erosi eta abonatu zenbakia fisikoki gorde nahi izanez gero, eroslea kultur teknikariaren bulegotik pasa daiteke txartela eskatzera; hala ere, sarrerak hartzeko unean norbere bonuaren kodeaz gogoratuz gero, ez da txartela fisikoa erakustea inon eskatuko.
- Bonuaren deskontuari ezin zaio beste inolako deskonturik gehitu.
- Ez da onartuko ordaindutako zenbatekoaren itzulketarik, ez osorik eta ezta partzialki ere.
- Behin eskatutako sarrerak aterata, ez da onartuko ez aldaketarik eta ezta itzulketarik ere.
- 16:30eko ume, gazte eta publiko guztientzat diren saiotako 9 film ikusteko, 31,50 € ordainduko dira bonuagatik.
- 19:00etako helduen saioetarako aldiz, ikuslearen aukerako 9 filme ikusteko bonuak, aurrekoaren baldintza berdinetan, 40’50€ko kostua du.
- Bonu bakoitza, ordu-tarifa bati dagokio (16:30ak edota 19:00ak). Ezin dira ordutegi desberdinetako sarrerak bonu berarekin konbinatu.
- Zine saioen ordua errespetatu eta lehiatilan lerroak arintze aldera, abonatuek ezingo dute unean uneko filmearen sarrera lehiatilan trukatu. Horretarako interneteko Leitzako Herri Aretoaren gunea erabiltzea edota asteazkenetan 12:00etatik 14:00etara aretoko leihatilan egonen den kultur teknikariarengana jotzea eskatuko da.
