Iaz egin zen moduan, Leitzako Udalak eta Kaxkabeltza Elkarteak elkarlanean martxan jarritako egitasmo honekin, Covid-19aren krisiagatik kaltetuak izan diren herriko komertzio txikietan erosketak egitea bultzatu nahi izan da; baita herriko komertzioek elkarlanean eta elkarrekin lan egitea ere.

Horretarako, 1.710 erosketa txartel jarri dira salgai eta herritarrek 20 euroren truke, 10 euroko hiru bono-txartel eskuratzeko aukera izan dute. Udalak 30 euro horiek osatzeko falta diren 10 euroak jarri ditu eta horrenbestez 5.700 euro ordaindu dizkio Kaxkabeltza Elkarteari, kanpaina hau gauzatu ahal izateko. Honela, Leitzako komertzioetan 17.000 euro baina gehiagoko mugimendua sortuko du bono-txartelen kanpainak, aurreko urtean baina 2.000 euro gehiago.

Bono txartelak ekainaren 7tik 14ra salgai jarri eta abiada bizian saldu ziren.
Kaxkabeltza Elkarteko hainbat saltokietan, eta kontsumitzaile bakoitzak, gehienez, 3 bono-txartelez osasutako bost sorta erosi ahal izan ditu. 

Bonoak Ekainaren 14tik uztailaren 14 arte erabili ahalko dira Kaxkabeltza Elkarteko komertzioetan. Kanpainarekin bat egiten duten komertzioek kartel bat jarri dute ikusgai. 

Udalak ekarpen berezia egin nahi izan dio aurten ere Kaxkabeltza Elkarteari. Urtero adosten den ohiko hitzarmenean 1.000 euroko dirulaguntzari beste 6.000 euro gehitu dizkio Udalak. Horietatik 5.700 euro Leitzan kontsumitzeko bonoen kanpaina hau finatzatzeko izan dira eta gainerako 300 euroak kanpaina hau promozionatzen laguntzeko bideratu dira. 

Modu honetan, elkartearen esfortzua balioan jarri nahi izan du Udalak eta herriko komertzioek elkarlanean aritzearen garrantzia azpimarratu eta eskertu nahi du.